Universe

De Wikipedia
Saltar por navigation Saltar por sercha
Gtk-find-and-replace.svg
Ti-ci article besona revision.
Gtk-find-and-replace.svg


Li universe es li totalitá del spacie e del témpor, de omni formas del materie, li energie, li impulse, li leges e constantes fisic quel governa les. Su studie, in li maxim grand scalas, es li object del cosmologie, un discipline bassat sur li astronomie e li fisica, in quel es descrit li aspectes del universe e su fenomenes.

Description[modificar | redacter fonte]

Li universe fisic es definit quam omni spacie e témpor (nominat spacie-témpor) e lor contenetes. Tal contenentes include omni energie in formws divers, includente radiation electromagnetic e materie, e dunc planetes, lunes, stelles, galaxes e li contenentes del spacie intergalactic. Li universe anc include li leges fisic quel influentia súper energie e materie, quam li leges de conservation, li mechanica classic e li relativitá.

Li universe es frequentmen definit quam "li totalitá del existentie", o omnicós quel existe, omnicós quel ha existet e omnicós quel va exister. In facte, alcun filosofes e scientistes apoya li inclusion de idés e conceptes abstracte (quam matematica e logica) in li definition del universe. Li parol universe posse anc referer a conceptes quam li cosmo, li munde e li natura.