Wolfgang Wiehle
Wolfgang Wiehle es un politico de Germania del dextri partise Alternative por Germania. Il nascet li 20-im de octobre 1964 in München e candidat in li annu 2020 por li oficie del borgomastro de München por li dextri partise Alternative por Germania. Wolfgang Wiehle es desde li annu 2017 membre del parlament de Germania por li Alternative por Germania.
Personal e professional vive
[modificar | redacter fonte]Wolfgang Wiehle studiat informatica in München che li Tecnical Universitá de München. Il finit su studies in li annu 1990 e desde ti témpore Wiehla labora quam ingeniero por software e consiliero por informatica.
Wolfgang Wiehle es divorciat e have ex su maritage du infantes.
Political cariera
[modificar | redacter fonte]- 1982-2002 Wolfgang Wiehle esset activ in li Cristian Social Union in Bavaria.
- 1994-2002 Wiehle esset membre del consilie municipal in München por li Cristian Social Union in Bavaria.
- 2013 Wolfgang Wiehle devenit membre del Alternative por Germania.
- 2014 Wolfgang Wiehle devenit presidente del organisation del Alternative por Germania in li sub-districte Sud-München.
- 2015 Il esset electet quam vice-presidente del organisation del Alternative por Germania in li Supra Bavaria.
- 2017 Wolfgang Wiehle es electet in li parlament de Germania por li Alternative por Germania.
- 2020 Il candidat in li annu 2020 por li oficie del borgomastro de München por li Alternative por Germania.
- 2021 Wolfgang Wiehle devenit denov membre del parlament de Germania.