Edgar de Wahl
Ex Wikipedia
Edgar von Wahl (* 11./23. august 1867 in Olwiopol (Russia [hodie Pervomaysk, Ucraina]); † 9. marte 1948 in Tallinn Estonia) creat li Rational Lingue Occidental, quel es hodie nominat Interlingue.
Il studiat in in li universitá de Sankt-Peterburg e obtenat ta li doctoratu de matematica. Poy il intrat in li Academie del Bell Artes e pos un servicie militari de pluri annus quam oficero del russ marine, il esset nominat professor de fisica, matematica e dessin in li estonian cité Tallinn (anc conosset quam Reval) quam instructor de matematica e physica in licéo.
In prim un adepte de Volapük, e del lingue Neutral (de Wahl esset co-autor de Reform Neutral con Rosenberger), de Wahl plu tard esset un del unesim usatores de Esperanto, e consiliat a Zamenhof pri quelc punctus de grammatica e vocabules por ti lingue. Il abandonat ti lingue pos pluri annus e durante li sequent decennies il laborat pri li problema del ideal forme de un international auxiliari lingue. De Wahl esset anc autor in 1909 de un project naturalistic de un auxiliari lingue. De Wahl esset oficero del russ marine durant li Prim Mundal Guerre.
In 1922 il publicat un "clave" a un nov lingue, Occidental, e li unesim numeró de un periodico titulat Kosmoglott (plu tard Cosmoglotta), scrit in ti lingue. In li sequent annus, de Wahl participat in li discussion pri Occidental, e permisset al lingue evoluer gradualmen secun li recomandationes de su usatores. Fotografies montra de Wahl in companie de Prof. Otto Jespersen, autor de Novial in 1935 e pruva li interchanges ínter li linguistic currentes. Pos li comense del Duesim Mundal Guerre in 1939, il havet solmen intermittent contacte con li occidentalistic movement, in ti témpor centralisat in Svissia. Durant li ultim annus de su vive Edgar de Wahl esset hospitalisat in li Sanatoria Seewald in Tallinn u il ha refugit se durant li guerre e pos li destruction de su dom. Il morit ta li 9 marte 1948 in li etá de 81 annus.
(Li nómine de Occidental esset changeat a Interlingue in 1949.)
ligas exteriori: http://www.geocities.com/Athens/Parthenon/1222/remin.html (a http://www.geocities.com/Athens/Parthenon/1222/occ.html ).
