Gabriela Schimmer-Göresz
Gabriela Schimmer-Göresz es un feminin politico de Germania. Ella nascet li 16-im de julí 1952 in Memmingen e esset desde inter li 15-im de novembre 2014 til li fine del annu 2017 li presidente del Ecologic Democratic Partise.
Personal e professional vive
[modificar | redacter fonte]Gabriela Schimmer-Göresz finit li scola in annu 1968 e aprendet li profession de un assisente por avocates. Ella laborat in ti profession til li nascentie de su unesim filia in li annu 1977. In li annu 1973 ella maritat e in li annu 1979 nascet su duesim filia.
In li annu 2003 ella maritat Franz Göresz. Ella translocat a Weiler quel es im parte de Osterberg e continuat laborar in Memmingen por un avocate. In li annu ella translocat al Subdistricte Neu-Ulm.
Political cariera
[modificar | redacter fonte]- 1986 Gabriele Schimmer-Göresz devenit un membre del Ecologic Democratic Partise.
- 1987-2014 Ella esset membre in li presidentie del Ecologic Democratic Partise in li Districte Suebia.
- 1989-2005 Ella devenit li presidente del organisation del Ecologic Democratic Partise in li Districte Memmingen.
- 1993-1999 Gabriele Schimmer-Göresz esset vice-presidente del Ecologic Democratic Partise de Bavaria.
- 1996-2005 Gabriele Schimmer-Göresz esset consiliera municipal del cité Memmingen.
- 2007 Gabriele Schimmer-Göresz devenit li presidente del organisation del Ecologic Democratic Partise in li Subdistricte Neu-Ulm.
- 2008 Ella candidat por li parlament del país federal Bavaria.
- 2013 Ella candidat por li parlament de Germania e por li parlament del país federal Bavaria.
- 2013-2015 Ella esset denov membre del presidentie del Ecologic Democratic Partise in Bavaria.
- 2014 Gabriele Schimmer-Göresz es electet quam nov presidente del Ecologic Democratic Partise sur li 48-im congress del partise in Erlangen. Ella victet contra li tad actual presidente Sebastian Frankenberger con 87 contra 63 votes.
- 2017 Ye li fine del annu 2017 Gabriela Schimmer-Göresz demissionat pro sanitari causes quam presidente del Ecologic Democratic Partise.
Ella es activ in initiatives contra li aero-portu in Memmingen e contra li TTIP-acorde pri li líber comercie inter li Europan Union e li Unit States de America.