Sebastian Frankenberger
Sebastian Frankenberger es un ex-politico de Germania. Il nascet li 17-im de septembre 1981 in Passau (Germania) e esset inter 2010 e 2014 li presidente del conservativ-ecologic Ecologic Democratic Partise.
Personal vive
[modificar | redacter fonte]- 1992-2001 Frankenberger esset sur li Adalbert-Stifter Gimnasium in Passau.
- 2001 Frankenberger comensat un studie in li universitá de Regensburg por devenir un instructor de matematica e fisica.
- 2003 Frankerger abandonat su studie in Regensburg e comensat su studie de teologie in Passau por devenir pastoral-referente, quel il plu tard abandonat pro changeamentes in li organisation del eclesie. Il fa pluri educationes.
- Desde 2003 il labora quam guidero por tures in li costum-teatre.
- 2007 Frankenberger fundat in Linz (Austria) con du colegas StadtLux por far interactiv costum-teatre tures con gruppe-pedagogic elementes. Il inscena vernisages e labora anc quam pastor in casus urgent e quam instructor in un scola.
- 2011 Il publicat li libre Volk, entscheide! − Visionen eines christlichen Polit-Rebells (Decide popul! - Visiones de un cristan politic-rebello).
Political cariera
[modificar | redacter fonte]Ja quam scolero Frankenberger esset membre del cristan-conservativ Cristan Social Union
- 2004 Frankenberger abandonat li Cristan Social Union e devenit un membre del Ecologic Democratic Partise.
- 2008-2011 Frankenberger esset electet in li local parlament de Passau por li Ecologic Democratic Partise.
- 2008-2010 Frankerberger esset vice-administrator del Ecologic Democratic Partise in Bavaria.
- 2010 Il es electet in li national presidentie del asociation Mehr Demokratie e.V. (Plu democratie), quel demanda que in Germania es introductet plebiscites sur li national nivelle.
- 2009/2010 Frankenberger devenit conosset in li tot de Germania por initiator del successosi plebiscite in Bavaria por un strict lege por li protection de ne-fumatores.
- 2010 Frankenberger es electet quam nov presidente del Ecologic Democratic Partise sur li conferentie del partise in Regensburg li 23-im novembre 2010 quam successor de Klaus Buchner.
- 2013 Frankenberger candidat por li bavarian parlament ye li position 1 del liste del Ecologic Democratic Partise in li Districte Supra Bavaria.
- 2014 Frankenberger candidat por li Europan Parlament ye li position l del liste del Ecologic Democratic Partise. Il perdit sur li partise-congress li election al presidente del partise contra Gabriela Schimmer-Göresz con 68 contra 87 votes li 15-im de novembre 2014 in Erlangen.
- 2015 Frankenberger forlassat li Ecologic Democratic Partise e declarat su retration ex li politica.