Molecul

De Wikipedia
Saltar por navigation Saltar por sercha
3D (levul e centre) e 2D (dextri) representationes del molecul terpenoid atisane

Un molecul es un gruppe neutral electricamen de adminim du atomes tenet junt per covalent ligantes chimic.[1] Molecules es distintet de iones per lor charge electric. Tamen, in fisica quantic, chimie organic, e biochimie, li termine molecul sovente es usat minu strictmen e es aplicat a iones poliatomic.

In li theorie kinetic de gases, li termine molecul es frequentimen usat por omni particules sin egarda de lor composition. Secun ti definition atomes de nobil gas es considerat molecules malgré li facte que ili es composit de un singul atom nonligant.[2]

Un molecul posse consister de atomes de un singul element chimic, quam oxygen (O2), o de diferent elementes, quam aqua (H2O). Atomes e complexes que es juntet per ligantes incovalent quam ligantes de hydrogen o ligantes ionic generalmen ne es considerat singul molecules.[3]

Molecules quam componentes de materie es comun in substanties organic (e talmen biochimie). Ili anc composi li major parte del oceanes e atmosfere. Un grand numere de familiar substanties solide, tamen, includente li majori parte del minerales in li cruste, mantelle, e li cordie del Terra self, contene multi ligantes chimic, ma ne es composir de molecules identificabil.

Null molecul tipic posse esser definit por cristalles ionic (sales) e cristalles covalent (solides retic), benque ta es sovente composit de repetent cellules unitari que extende o in un plane (quam in graphene) o tridimensionalmen (quam in diamant o sodium chlorid). Li tema de repetit structura cellulari anc existe por li majori parte del fasas condensat con ligante metallic. In vitres (solides que existe in un statu vitrosi desordinat), atomes anc posse esser tenet junt per ligantes chimic con null molecul definibil, ma anc con null del regularita de unitas repetent que caracterisa cristalles.

Vide anc[modificar | redacter fonte]

Referenties[modificar | redacter fonte]

  1. http://goldbook.iupac.org/M04002.html
  2. Chandra, Sulekh. Comprehensive Inorganic Chemistry, ISBN 8122415121
  3. Molecule, Encyclopaedia Britannica on-line