Omid Nouripour
| Omid Nouripour | |
|---|---|
,_MdB.jpg) | |
| Land |  Germania
|
| Nascentie | 18-im Junio 1975 in Teheran |
| Partise | Alliantie'90/Li Verdes |
| Oficies | |
| Co-Presidente del partise Alliantie'90/Li Verdes | |
| Quande | 29-im januar 2022 til nu |
| Antecessor | Robert Habeck |
Omid Nouripour es un politico de Germania de iranian orígine . Il nascet li 18-im de junio 1975 in Teheran e es desde li annu 2006 un membre del parlament de Germania por li levul-ecologic partise Alliantie'90/Li Verdes. Omri Nouripour devenit li 29-im de januar 2022 co-presidente del partise Alliantie'90/Li Verdes juntmen con Ricarda Lang.
Personal e professional vive[modificar | redacter fonte]
Til li annu 1983 Omid Nouripour habitat in Iran, ma su genitores forlassat in li annu 1983 con su infantes li land. Ili translocat a Frankfurt in Germania. Omid Nouripour recivet li civitá de Germania in li annu 2002.
Omid Nouripour comensat studiar germanistica, political scientie, jurisprudentie, sociologie, filosofie e economie in Mainz, ma il nequande finit un studie. Desde li annu 2002 il es un professional politico.
Nouripur es maritat e have un filio.
Political cariera[modificar | redacter fonte]
- 1996 Omid Nouripour devenit un membre del levul-ecologic partise Alliantie'90/Li Verdes.
- 1999-2003 Presidente del organisation de yunesse Verdi Yunesse in Hesse.
- 2002-2006 Omid Nouripour esset membre del presidentie del partise Alliantie'90/Li Verdes.
- 2006 Omid Nouripour devenit membre del parlament de Germania por su partise Alliantie'90/Li Verdes.
- 2022 Omid Nouripour esset electet quam co-presidente del partise Alliantie'90/Li Verdes juntmen con Ricarda Lang li 29-im de januar 2022.
Politico[modificar | redacter fonte]
Omid Nouripour ocupat se in prim in li political question de inmigration. Nu il es membre in li comission del parlament de Germania por externi politica.