Pluvie
Pluvie es aqua liquid in li forme de guttes que have condensat de vapor de aqua atmosferic e tande precipitat — que es, deveni sat pesant de cader pro gravitá. Pluvie es un majori component del cicle aqual e es responsibil por deposir li majori parte del aqua dulci sur li Terra. It provide conditiones comod por multi tipes de ecosistemas e anc aqua por hidroelectricitá e irigation de recoltes.
Li prim cause de production de pluvie es vapor de aqua mover tra tridimensional zones de contrastes de temperatura e humiditá savet quam frontes de tempe. Si suficient humiditá e motion ad supra es present, precipitation cade del nubes convectiv (tis con fort motion ad supra) quam cumulonimbe (nubes tónneral) que posse organisar ad-in strett bandes pluvial.
In areas montosi, fort precipitation es possibil u flution ad supra es maximisat intra láteres vers li vente de li terren al elevationes que fortia aere humid de condensar e excader quam pluvie sur del montes. Sur li láteres for li vente de montes, desertes posse exister pro li sicc aere causat per flution ad-infra ducente a calentation e siccation del masse del aere. Li movement del cava monsunal, o zone de convergentie intertropic, causa sesones pluvial al climas del savanna.