Tazio Carlevaro

Tazio Carlevaro
Land	Svissia Svissia
Nascentie	27-im de julio 1945 in Bellinzona, Svissia
Ocupation	Interlinguist, Esperantist

Tazio Carlevaro es un interlinguist e Esperantist de Svissia. Il nascet li 27-im de julio 1945 in Bellinzona (Svissia) e havet mult functiones in li movement de Esperanto. Tazio Carlevaro es un important explorator e teoretico de interlinguistica.

Tazio Carlevaro laborat quam medico e psicologo. Il studiat medicina al universitá de Zúrich e fat su doctoratu in li annu 1980. Il devenit specialist por psichiatrie. Inter li annu 2006 e 2022 Tazio Carlevaro laborat quam medico in su privat clientela in in Bellinzona. Tazio Carvelaro es maritat desde li annu 1973 con Teresita Carlevaro e li cuple have tri infantes e un filio.

In contrarie a altri Esperantistes, qui ignora o mem combatte contra altri planlingues, Tazio Carlevaro anc ocupat se pri international auxiliari lingues quele Ido, Esperanto e Interlingue. In li annu 1997 il fat un discurse pri Ido e Interlingua che li German Societé por Interlinguistica in Berlin. In li annu 1973 il publicat li libre Sociolinguistiko ed interlinguistiko (Introdukto al Antologio dil Idolinguo), quel esset scrit in Ido.

In li annu 2023 Tazio Carlevaro publicat in li jurnal Cosmoglotta in li númere 332 li articul Situation del lingues artificial Il scrit in ti articul pri li situation e futur de Interlingue:

E Interlingue-Occidental? Yo espera, que li amicos interlinguistes va far alquó por Interlingue, simil a to quo noi fat por Ido. It ne es ímpossibil. Li quantité del publicationes (revúes, discos, libres, brochuras) ne es imens, e, con li instrumentes modern, it ne va esser desfacil indicar li existentie del element in tal o altri biblioteca.

Ligamentes extern

• Li libre Sociolinguistiko ed interlinguistiko in Ido
• Personal págine de Tazio Carvelaro in li internet