Aluminium

De Wikipedia
Saltar por navigation Saltar por sercha
Un scatulle de aluminium

Aluminium es un chimic element con li simbol Al e atomic númere 13. Aluminium have un densitá plu bass quam tis de altri comun metalles, circa un ters del densitá de stal. It have un grand afinitá por oxygen, e forma un protectiv strate de oxid sur li superficie quande exposit al aere. Aluminium visualmen simila argenente, ambi in su color e in su grand abilitá a reflecter lumine. It es moll, inmagnetic, e ductil. It have un stabil isotop, 27Al; ti isotop es tre comun, e aluminium es li deci-duesim max comun element in li universe. Li radioactivitá de 26Al es usat por radiodatante.

Chimicmen, aluminium es un post-transitional metalle in li boric gruppe; quam es comun in ti gruppe, aluminium forma composites primarimen in li +3 statu de oxidation. Li aluminiumic cation Al3+ es micri e altmen chargeat; talmen, it es polarisant, e li ligantes de aluminium tende vers covalentie. Li fort afinitá por oxygen ducte al comun association de aluminium con oxygen in natura in li forme de oxides; pro to, aluminium es trovat sur Terra primarimen in petres in li cruste, u it es li triesim max abundant element sequent oxygen e silicium, e aluminium presc nequande es trovat quam un liber metalle.

Aluminium es usat largimen por transportation, construction, e paccation. Malgré su abundantie in li munde, nequal organisme vivant es sapet de usar metabolicmen sales de aluminium, ma aluminium es tolerat bon per plantes e animales.

Vide anc[modificar | redacter fonte]

Referenties[modificar | redacter fonte]