Sambahsa

De Wikipedia
Saltar por navigation Saltar por sercha

Sambahsa o Sambahsa-mundialect es un lingue auxiliari creat per li franceso Dr. Olivier Simon. Che li mundelingues on nomina it un "worldlang", it es un lingue constructet basat sur plu quam un sol familie linguistic. Su base es un simplificat proto-Indo-Europan, con adjuntet strates linguistic de diferent partes del munde.

Su particularitá es trovat in esser un lingue constructet con cert complexitás ne trovat in li altri lingues constructet, benque tre regulari e plu simplic quam lingues natural. Verbes conjuga se p.e. secun li person, hay un diferentie inter li passate simplic e li ínperfecte, li ablaut es usat por mantener naturalitá in li passate (p.e. kaup, comprar, deveni kieup in li preterite), etc.

Un altri particularitá es que it usa un forme del regul de Wahl (li creator Olivier Simon self possent parlar Occidental) quam explicat in su grammatica scrit per il in Occidental: "Li altri verbs (tam quam li radic preteriti del verbs con infix nasal) posse subir un version del Reguls de Von Wahl si illi se termina con cert consonants: d se muta in s, dd & tt in ss, Cd in Cs, rt & rg in rs e lg in ls."

Exemples[modificar | redacter fonte]

  • Yo da te li pir: Tib dahm id pir.
  • Yo da te it: Tib dahm id.
  • Yo lava le: Lavo iom.
  • Ti metode functiona bon: Tod methode wehrct gohd.
  • Ti-ci cereses es rubi; tis-ta es nigri: Cia keraisa sont rudh, ta sont sword.
  • Nor fructes es tam bell quam li lores: Nies fruits sont tembell quem ira.
  • Li nobli anglesi generale ofertat un glass de aqua al soldate vulnerat: Is noble englisch general schohnk ei vurnt soldat un glass wed.

Ligamentes extern[modificar | redacter fonte]

Grammatica de Sambahsa in Occidental-Interlingue