Spokil
| Spokil | |||
|---|---|---|---|
| Creator: | Adolphe Nicolas | ||
| Annu de creation: | 1887 o 1890 | ||
| Parlatores: | un | ||
| Academie: | |||
| Familie: | lingues constructet lingues auxiliari int. Spokil | ||
Lingue-code
| |||
| ISO 639-1: | [1] | ||
| ISO 639-2: | [2] | ||
| ISO 639-3: | [3] | ||
Carte
| |||
 Flagga de Spokil, dessinat in 2012
| |||
| Vide anc: Lingue – Liste de lingues | |||
Spokil es un lingue constructet creat per li Franceso Adolphe Nicolas.
Durant li annus 1880, li max populari lingue auxiliari international esset ínnegabilmen Volapük. Támen, pos un brevi periode de successe preponderant, li rivalitá con li plu practic e minu complicat Esperanto (publicat in 1887) resultat in un rapid diminution del movement de Volapük. Multes qui antey suportat Volapük passat al camp de Esperanto, durant que altris provat al maximum ameliorar o reformar Volapük self. In part pro li atitude ínflexibil de Johann Martin Schleyer, li creator de Volapük, to ductet a pluri divisiones in li movement de Volapük. Quam consequentie, un númere de "Volapükides" aparit, notabilmen Idiom Neutral, publicat por li unesim vez in 1902, e Spokil.
Spokil esset creat per Adolphe Charles Antoine Marie Nicolas (1833-?), un nave-medico francesi de La Bourboule. Un ex-adherente de Volapük, il comensat developar Spokil in 1890 (benque alcun fontes mentiona 1887). In 1904, il publicat un libre pri it: Spokil. Langue internationale. Grammaire, exercises, les deux dictionnaires. In un conferentie in Paris, arangeat in junio 1907, Nicolas havet li oportunitá defender su lingue personalmen; ínter li altri lingues discusset in li conferentie esset Parla, Bolak (Le Lingua Blau), Idiom Neutral, e Esperanto. In li sam reunion, Ido esset presentat por li unesim vez. Spokil nequande ganiat mult suporte, támen, e hodíe es max sovente obliviat.
Quam Volapük, Spokil es max sovente qualificat quam un hibride a priori/a posteriori. Alcun autores, includent Nicolas self, considera it quam un lingue purmen a priori.
Specimenes
[modificar | redacter fonte]
Li Patre nor:
- Mael nio, kui vai o les zeal;
- Aepseno lezai tio mita.
- Veze lezai tio tsaeleda.
- Feleno lezai tio bela,
- uti o zeal itu o geol.
- Demai da ni itu ebilai da gelenelas nio.
- E no apidai ni o fismena.
- Stu nibai ni le sfail.
- Amen.
Li númeres 1-10:
- ba, ge, di, vo, mu, fa, te, ki, po, nu.