Edgar de Wahl

De Wikipedia
Jump to navigation Jump to search
Edgar de Wahl
Edgar de Wahl
Land
Nascentie 23 de august 1867
in Olwiopol, Governation de Kherson, Imperie Russ
Morte 9 de marte 1948
in Tallinn, Estonia
Ocupation Matematico e linguist

Edgar de Wahl (11/23 august 1867 - 9 marte 1948) esset un matematico e linguist qui nascet in Olwiopol, Russia. Hodíe li cité es nominat Pervomaysk e it es localisat in Ucraina. Wahl es max famosi por su creation, li lingue auxiliari international Interlingue. Li lingue esset conosset quam Occidental til li annu 1949.

Orígine[modificar | redacter fonte]

Blason del familia de Wahl.

Edgar de Wahl apartenet al linea Päinurme del Wahl (Haus Assick). Su avo esset Carl Gustav von Wahl, qui aquisitet domenes senioral in Oajusi, Tapiku e Kavastu e, per un curt periode de témpor, il esset anc li proprietario del domene senioral de Kaave. Il havet 14 filios de du matrimonies, de qui varie genealogies de Wahl descendet. Un de ili, li avo de Edgar von Wahl, un servitor civil, Alexei von Wahl, qui comprat li domene senioral Päinurme in 1837, comensat li linea Päinurme. Il anc esset luator de un domene senioral in li domene senioral de Taevere, u Oskan von Wahl (1841-1906), li patre de Edgar von Wahl, nascet.

Li radices de Edgar von Wahl extendet partialmen a Anglia. Un de sua atavas, li unesim marita de Carl Gustav von Wahl, Henriette Edwards, esset li filia de un mercator anglesi, George Edwards. Li duesim atava, li marita de Alexei von Wahl, Kornelia Elisabeth Knirsch, esset li matre de Marie Turner de Anglia.

Li patre de Edgar von Wahl, Oskar von Wahl, un ingeniero de ferrovia, maritat Lydia Amalie Marie von Husen (1845-1907) in Tallinn in 1866.

Biografie[modificar | redacter fonte]

Infantie e yunesse[modificar | redacter fonte]

Edgar von Wahl nascet in Podolia, Ukraina, li 23 de august 1867. Su genitores hat movet desde que Oskar von Wahl comensat laborar in li ferrovia Odessa-Balta-Kremenchuk-Kharkiv in 1866. On have datos diferente e contradictori pri li loco de nascentie exact de de Wahl. Su cité natal es usualmen li cité de Olviopol, ma altri fontes indica que su loco de nascentie es li cité de Bogopil (anc Bogopol), apu Olviopol, in li altri látere del Fluvie Bug Meridional.

In 1869 li plu tard, li familie de Wahl hat movet a Kremenchuk. Li du fratres de de Wahl nascet ta: Oskar Paul Karl, qui morit quam infante in 1869, e Arthur Johann Oskar (qui morit in 1951). Plu tard, li du sestras de de Wahl, Lydia Jenny Cornelia (1871-1917) e Harriet Marie Jenny (1873-1920), e Jenny Theophile (qui morit in 1961) in Sant Petersburg, nascet in Tallinn.

Li familie movet a Sant Petersburg in 1876 pos li intervall in Tallinn. In li sam annu, Edgar von Wahl comensat studiar in li Triesim Gymnasio in Sant Petersburg, graduante in 1886. Poy, il studiat architectura e pictura in li Facultá de Fisica e Matematica del Universitá de San Petersburg e in li Academie de Artes de San Petersburg. Pos intrar in li universitá in 1886, Wahl se unit al corporation baltic-german Nevania in San Petersburg, u in li semestre de autun de 1891 il havet li position de tresorero. Wahl graduat del Universitá de San Petersburg in 1891 e in 1893 il recivet li diploma de professor de dessin per li scol elementari. Pos graduar del universitá, Wahl laborat in un curt periode de tempo in San Petersburg in li autun de 1891 quam professor substitute ante intrar in li servicie militari.

Quande il esset un infant e un adolescent, Wahl aprendet varie lingues. Quande il esset un infant, il aprendet german, russ, estonian e francesi, e in li licéo il studiat latin e grec ancian, e hispan in li universitá. Il posset far se comprender in altri nove lingues. Secunde Wahl self, il volet inventar un nove lingue quande il esset un infante. Per li ludes Native American, il developat un "lingue american native" personal de qui li gramatica esset basat in li grec e li estonian.

Studie e labor[modificar | redacter fonte]

De Wahl studiat in li Universitá de Sankt-Peterburg e obtenet ta li doctoratu de matematica. Poy il intrat in li Academie del Bell Artes, poy intrat in un servicie militari de pluri annus quam oficero del russ marine. Il esset nominat professor de fisica, matematica e dessin in li cité estonian de Tallinn. In li cité, quel esset anc conosset quam Reval il docet matematica e fisica in un licéo. Pos quelc annus, il morit in li sam cité in un hospitale.

Li creation del Occidental[modificar | redacter fonte]

In prim un adepte de Volapük e del lingue Idiom Neutral (de Wahl esset co-autor de Reform Neutral con Waldemar Rosenberger), de Wahl plu tard esset un del unesim usatores de Esperanto e consiliat a Zamenhof pri quelc punctus de grammatica e vocabules por ti lingue, notabilmen li change de paroles quam tian, kian etc. a tiam, kiam por evitar un conflicte con li acusative quel in Esperanto fini se con -n. Il abandonat ti lingue pos pluri annus e durante li sequent decennies il laborat pri li problema del ideal forme de un lingue auxiliari international. Durant ti epoca de Wahl nominat su lingue Auli (auxiliari lingue) quel esset simil a Occidental ma esset sempre in un statu de change e nequande esset promoet quam un altri lingue auxiliari; talmen it nomina se anc "proto-Occidental". De Wahl esset un oficero del russ marine durant li Prim Guerre Mundal.

In 1922 il publicat un "clave" a un nov lingue, Occidental, e li unesim numeró de un periodico Kosmoglott, esset scrit in ti lingue. In li sequent annus, de Wahl participat in li discussion pri Occidental, e permisset al lingue evoluer gradualmen secun li recomendationes de su usatores.

Fotografies monstra de Wahl in companie de Prof. Otto Jespersen, autor de Novial in 1935.

Ultim annus[modificar | redacter fonte]

Pos li comense del Duesim Guerre Mundal in 1939, il havet solmen intermittent contacte con li movement occidentalistic, in ti témpor centralisat in Svissia. Durant li ultim annus de su vive Edgar de Wahl esset hospitalisat in li Sanatoria Seewald in Tallinn u il ha refugit se durant li guerre e pos li destruction de su dom. Il morit ta li 9 marte 1948 in li etá de 80 annus.

Ligamentes extern[modificar | redacter fonte]