Hans Robert Hörbiger
| Johann Robert Hörbiger | |
|---|---|
 | |
| Land | .png){kind=small} Austria
|
| Nascentie | 1885 in Vienna, Austria |
| Morte | 1955 |
| Ocupation | Ingeniero |
Johann Robert Hörbiger (1885–1955) esset ingeniero, meteorolog, e occidentaliste austrian. Filio del inventor Hanns Hörbiger, e max old fratre del actores de:Paul Hörbiger e de:Atilla Hörbiger, e del aferist e artiste de:Alfred Hörbiger,[1] il laborat quam director de expositura in li Hoerbiger & Co.,[2] un comercie quel il fundat con su patre e fratre Alfred in 1925.[3] Il studiat li ingenieríe mecanico con su fratre Alfred,[1] e plu tard, supportat li theorie de su patre que li material fundament del universe es glacie – der Welteislehre.
Quande Heinrich Himmler creat un departement (li Pflegestätte für Wetterkunde) del en:Ahnenerbe (li Nazi departement de resercha pseudo-scientific) por li Welteislehre, fundat sur li ideo que li theorie posset esser usat por crear tempe-prognosticationes, Hörbiger esset inicialmen nominat por esser director, benque ti position ultimmen esset prendet par en:Hans Robert Scultetus, un officero del SS. In 1937, Hörbiger esset li sub-comandante del bureau de tempes in Berlin, ma esset finalmen desingageat e misset a Vienna caus íncompetentie.[4]
In 1929, Hörbiger esset honorari presidente del Occidental-Union,[5] e ancor in 1937.[6] Su patre, Hanns e – fórsan – su fratre, Alfred,[remarca 1] esset occidentalistes. Li unesim vez que Hörbiger esset mentionat in un Occidental-revúe esset in 1927.[6]
Ovres[modificar | redacter fonte]
- Occidental : Der Weg zur europäischen Verständigungssprache, la voja al la lingvo de l'Europa interkomprenigho, li via al lingue del europan intercomprension (con Engelbert Pigal), 1926
- Auf Sternenpfaden zum Himmelslicht : Wegweiser zu e. ethischen Weltbild, 1928
- Der Weg zum einheitlichen deutschen Weltbild, 1933
- Quo Occidental presenta al german ingeniero?, 1936
- Welteis, Roman um ein Weltbild (con Maximiliane Soeser), 1951
Referenties[modificar | redacter fonte]
Remarcas[modificar | redacter fonte]
- ↑ In 1927, Alfred esset mentionat quam financial donator a Cosmoglotta, con su patre e fratre, e, in 1929, essent artist, designat li covriment de un edition del revúe.
Citationes[modificar | redacter fonte]
- ↑ 1.0 1.1 Markus, Georg [2006]. Die Hörbigers: Biografie einer Familie (in German), 41. ISBN 3850025659.
- ↑ Pigal, Engelbert (1930). "Glacial Cosmologie" Cosmoglotta A70
- ↑ "Hörbiger Alois und Hanns - Hörbigerventil (in German)."
- ↑ Kater, Michael H. (2009). Das "Ahnenerbe" der SS 1935-1945 (in German), 52, 86.
- ↑ "Ing. Hans Robert Hoerbiger." Lonsea.
- ↑ 6.0 6.1 Redaction, (1927). "(nulle)" Cosmoglotta A43
