Saltar por contenete

Lars Dahlerus

Articules unesim scrit in occidental
De Wikipedia

Lars Ebbe Sixten Dahlerus esset sved professor, autore, e por quelc annus, Occidentalist. Nascet li 18 May 1909 in Lidingö, Svedia,[1] il esset etablissent membre del Sved Occidental-Federation, con Carl-Erik Sjöstedt, Bertil Blomé, e altris. Il maritat Anna Märta Maria Persson li 27 Novembre 1931[2], con quel il havet un filia, Annika Gunnila (nacet 27 Octobre 1934)[3]; quande il visitat li Unit States de America con su matre, Hedda, in 1947, ili esset divorciat.[4]

Dahlerus docet li sved lingue por parlatores del lingues Baltic (specialmen por tis ex Latvia e Lituania), e il publicat mult libres e dictionariumes por les. In 1963, il esset assistent professor in li "Försvarets brevskola"[5] (in Interlingue, li scole del communication por li defension), quel esset un fundation militari por ducter al soldates cursus in militari teorie, studies social, e defension.[6] Il havet un diploma de "sv;filosofie magister".[5] Il morit li 20 Jan 1998, in Stockholm; quande il morit, il havet 88 annus.[7]

On save que Dahlerus esset Occidentaliste desde ante 1929; Quande li Sved Occidental-Federation esset fundat li 4 Novembre 1928, e Dahlerus esset studente ("Cand.", o candidate) e logiant in Uppsala, il esset electet membre del direction del organisation.[8] Li ultim vez que li es mentionat in Cosmoglotta esset Novembre 1942, in li liste del donatores.[9] Il esset anc membre del "Societas Heraldica Scandinavica" (Scandinavian Societá Heraldic).[10]

Ovres[modificar | redacter fonte]

Un liste de ovres publicat par Dahlerus:[11]

  • Släkten Dahlerus 1963-1964 [Familie Dahlerus 1963-1964], publicat 1964
  • Kortfattad lettisk uttalslära [Concis pronunciation de Latvian], publicat 1993.
  • Minneshjälpen : omvänd ordlista över främmande ord i svenskan [Assitentie del memorie: reverse-dictionarium de foren paroles in sved], publicat 1993.
  • Om latinuttalet i Sverige genom tiderna med särskild hänsyn till det vetenskapliga latinet [Pri Latin pronunciation in sved tra li epocas con especial regard al Latin scientific], publicat 1994.
  • Om språkpauser och stavelsedelning [Pri lingue-pauses e division de sílabes], publicat 1994.
  • Litauisk-svensk ordlista : Lietuvių-švedų kalbų žodynėlis [Lithuanian-Sved dictionarium], publicat 1995
  • Litauisk läsebok för nybörjare [Lithuanian letion-libre por comensantes], publicat 1997

Referenties[modificar | redacter fonte]

  1. Nasce-cronica de Lars Ebbe Sixten Dahlerus. Sur: Ancestry.com. Accessibil con li Wikipedia Library.
  2. Maritage-cronica de Lars Dahlerus e Anna Marta Maria. Via: Ancestry.com. Accessibil con li Wikipedia Library.
  3. Nasce-cronica de Annika Gunnila Via: Ancestry.com. Accesibil con li Wikipedia Library.
  4. "Lars Ebbe Sixten Dahlerus". In: li cronicas del inmigration de Nov York. Via: Ancestry.com. Accessibil con li Wikipedia Library.
  5. 5.0 5.1 Almqvist e Wiksells (1963). "Försvarets brevskola" In: Sveriges Statskalender. p. 441. Via: Project Runeberg
  6. "Försvarets brevskola". Ex: Riksarkivet. Recuperat: 27 August 2023.
  7. "Lars Ebbe Sixten Dahlerus". Ex: Find a Grave. Recuperat li 27 August 2023.
  8. Redaction, (1929). "Nor movement" Cosmoglotta A56
  9. Redaction, (1942). "Subventiones-Contributiones Recive" Cosmoglotta B40
  10. "Medlemsliste for Societas Heraldica Scandinavica", Heraldisk Tidsskrift (Volume 1, Numeró 10). 1 August 1964.
  11. "Dahlerus, Lars". Ex: libris.kb.se. Recuperat li 27 August 2023.