P. D. Hugon
| Paul Desdemaines Hugon | |
|---|---|
| Land | Anglia |
| Nascentie | 26 Junio 1882 in Bordeaux, Francia |
| Morte | 4 Septembre 1958 in Los Angeles, USA |
| Ocupation | redactor, interlinguiste |
Paul Desdemaines-Hugon, frequentmen P. D. Hugon esset anglesi linguist, autore e interlinguiste. Hugon nascet in Francia, e comensat su carriere in Anglia, ante que il translocat se al Unit States de America, u il passat mult de su vive. Quam interlinguiste, Hugon parlat Esperanto, pos Ido, e finalmen esset por quelc annus un Occidentaliste. Il scrit quelc libres pri lingues auxiliari, por auxiliar avansar e docer les.
Vive
[modificar | redacter fonte]Paul Desdemaines Hugon nascet se in Bordeaux, Francia li 26 Junio 1882, a Ernest Hugon e Isabelle Garat.[1] Il esset descendent de un old familie, qui havet possedet slavos quam colonialistes in Mauritius in li Indian Ocean. Ante que li familie se movet a Mauritius, ili esset proprietarios de lande feudal in Francia del era Norman. [2] Hugon habitat in li Reyatu Unit, e venit de Letchworth.
Hugon entrat li industrie de actualitás in 1910. Il esset redactor del aferes foren del gazette Actualitás de Vésper, quel esset sub possession de Alfred Harmsworth, 1sim Viscount Northcliffe (en), e quel esset un del max leet gazettes in sud-anglia. In 1912, il adheret al novmen-lansat Pathé Gazette in London. Ta, quam "redactor de actualitás", il havet probabilmen control súper mult del direction diari del organisation, per example li direction de cámera-opeatores. In ti-ci position, il aprendet pri li operation del cámeras, e plu tard scrit un manuale sur li subjecte.[3] Pos tri annus in li branche de London del companie Pathé, il se translocat al Unit States de America por devenir chef de Pathé American.[3] Il habitat in California, in li USA por li reste de su vive: il se maritat Selina (Lena) Standing, e con ella, il havet tri filias. In 1942, il esset registrat por li conscrition militari del Duesim Guerre Mondial, e il morit in Hollywood li 4 Septembre 1958, in li etá de 76 annus.[1]
Hugon esset in prim un Esperantist: durant li triesim congres international de Esperanto, arangeat in Cambridge, Hugon havet presidentie del gruppe de Esperantistes in Letchworth, e dat un tur del nov cité a Klara Zamenhof, li marita de L. L. Zamenhof.[4] Támen, quelc annus plu tarde, Hugon esset misset al Delegation por li Adoption de un Lingue Auxiliari International, quam remplazzero por W. T. Stead (en). Il esset anc vice-presidente del Ido Academie, ma abandonat li organisation pos 1910 debit a desacordes con li philosophie linguistic de Louis Couturat.[5] Habitent in California, Hugon scrit pluri articules pri Occidental in gazettes por autores, precipue in Markets and Methods for Writers,[6] e anc un articul pri Esperanto in The Interlinguist.[7]
Bibliografie
[modificar | redacter fonte]
- Practical Grammar and Exercises (1907)
- Praktikaj Komercaj Leteroj (1907) - con J.C. O’Connor
- English-International Dictionary (1908) - con Louis Couturat e Louis Beaufront
- The new Esperanto : with specimens (1908)
- English idioms, rendered into the international language (1908) - con Bernard Mackensen
- International Commercial Lexicon. Internaciona Komercal Lexiko (1909)
- Hints to Newsfilm Cameramen (1915).
- The Modern Word-finder (1927) - also published as Morrow's Word-finder
- Paul Hugon Presents "Fourflushese" the Language of Money. A Complete Course in Six Lessons (1928)
- Our Minds and Our Motives: A Dictionary of Human Behavior (1928)
Referenties
[modificar | redacter fonte]- ↑ 1.0 1.1 Paul D. Hugon sur FamilySearch: utilisent informationes del american censuses.
- ↑ Védie, Georges (2015). Their Destiny in Natal: The Story of a Colonial Family in the Indian Ocean., p. 139.
- ↑ 3.0 3.1 Hiley, Nicholas (Junio 2009). "Hints to Newsfilm Cameramen", sur http://bufvc.ac.uk
- ↑ Fuchs, Karl (1907). "Al La Gardenurbo", in La Revuo. pp. 142-144.
- ↑ Soto Garvía, Roberto (2015). Esperanto and Its Rivals, p. 139.
- ↑ Redactor, (Oct. 1930). "Jurnales" Cosmoglotta A072
- ↑ Redactor, (Apr. 1934). "Nor Movement" Cosmoglotta A095
Vide anc
[modificar | redacter fonte]- Un post de situ blog pri Hints to Newsfilm Cameramen par Cyndy Green
